ម៉ូតូបុកម៉ូតូបណ្ដាលឲ្យមនុស្ស២នាក់របួសធ្ងន់និង២នាក់ទៀតរបួសស្រាលនៅស្រុកពញាឮ
16-February-2018 | ដោយ ពលមនសិការ
កណ្ដាល ៖ កាលពីថ្ងៃទី១៥ ខែកុម្ភៈ ឆ្នាំ២០១៨ វេលាម៉ោង១៨និង៤៥នាទី មានករណីគ្រោះថ្នាក់ចរាចរណ៍មួយរវាងម៉ូតូនិងម៉ូតូបុកគ្នាពេញមួយទំហឹង បណ្ដាលឲ្យមនុស្ស២នាក់រងរបួសធ្ងន់ និង២នាក់ទៀតរបួសស្រាល លើកំណាត់ផ្លូវលំក្រាលគ្រួសក្រហម ស្ថិតក្នុងភូមិធម្មស្រះ ឃុំភ្នំបាត ស្រុកពញាឮ ខេត្តកណ្តា ។
មន្ដ្រីនគរបាលស្រុកចរាចរណ៍ស្រុកពញាឮបានឲ្យដឹងថា ជនរងគ្រោះរងរបួសធ្ងន់ឈ្មោះ ឃុត គង់ ភេទប្រុស អាយុ៤៣ឆ្នាំ ជិះម៉ូតូម៉ាកហុងដាឌ្រីម ធុនសេ១២៥ ស៊េរីឆ្នាំ២០១៤ ពណ៌ខ្មៅ ពាក់ស្លាកលេខ ភ្នំពេញ1CH- 2951 រួមដំណើរជាមួយឈ្មោះ ភួន ថាន ភេទស្រី យុ៤០ឆ្នាំ (រងរបួសធ្ងន់) ។ ជនរងគ្រោះទាំង២នាក់ត្រូវជាប្ដីប្រពន្ធនឹងគ្នា មានទីលំនៅភូមិវាលថ្មី ឃុំភ្នំបាត ស្រុកពញាឮ ខេត្តកណ្តាល ។ ចំណែកជនរងគ្រោះភាគីម៉ូតូម្ខាងទៀតឈ្មោះ កែវ ស្រីពៅ ភេទស្រី អយុ២២ឆ្នាំ (រងរបួសស្រាល) ជិះម៉ូតូម៉ាកហុងដាឌ្រីម ធុនសេ១២៥ ស៊េរីឆ្នាំ២០១០ ពណ៌ខ្មៅ ពាក់ស្លាកលេខ បាត់ដំបង1C-8274 រួមដំណើរជាមួយឈ្មោះ កែវ គឹមហ៊ាង ភេទស្រី អាយុ១៥ឆ្នាំ មានទីលំនៅភូមិជយ័ឧត្ដម ឃុំផ្សារដែក ស្រុកពញាឮ ខេត្តកណ្តាល(របួសស្រាល) ។ ជនរងគ្រោះទាំង២នាក់មានទីលំនៅភូមិជយ័ឧត្ដម ឃុំផ្សារដែក ស្រុកពញាឮ ខេត្តកណ្តាល ។
ប្រភពដដែលបន្ដថា នៅមុនពេលកើតហេតុ សាក្សីបានឃើញជនជនរងគ្រោះជិះម៉ូតូហុងដាឌ្រីម ពាក់ស្លាកលេខបាត់ដំបង1C-8274 ធ្វើដំណើរក្នុងទិសដៅពីត្បូងទៅជើង ដោយមានអ្នករួមដំណើរម្នាក់ លុះជិះមកដល់ចំណុចកើតហេតុដែលជាចំណុចកណ្ដាលទ្រូងផ្លូវ ក៏បានបុកជាមួយម៉ូតូជនរងគ្រោះម៉ាកហុងដា ពាក់ស្លាកលេខ ភ្នំពេញ1CH-2951 ជិះក្នុងទិសដៅពីជើងទៅត្បូង ច្រាស់ទិសគ្នាពេញមួយទំហឹង បណ្ដាលឲ្យបុរសនិងស្ដ្រីម្នាក់ជាប្ដីប្រពន្ធជិះម៉ូតូម៉ាកហុងដា ពាក់ស្លាកលេខ ភ្នំពេញ1CH- 2951ទទួលរងបួសធ្ងន់ ។ ចំណែកឯអ្នកជិះម៉ូតូហុងដាឌ្រីម ពាក់ស្លាកលេខបាត់ដំបង1C-8274 ទទួលរងរបួសស្រាល ។
ក្រោយពីមានហេតុការណ៍កើតឡើង ជនរងគ្រោះរងរបួសធ្ងន់ត្រូវបានរថយន្ដសាមុយដឹកបញ្ជូនទៅសង្គ្រោះនៅមន្ទីរពេទ្យ ។ ចំណែកឯមធ្យោបាយពាក់ព័ន្ធទាំង២គ្រឿងត្រូវបានសមត្ថកិច្ចជំនាញចរាចរណ៍ចុះពិនិត្យវាស់វែង និងកសាងឯកសារដកហូតយកទៅរក្សាទុកនៅអធិការដ្ឋាននគរបាលស្រុកដើម្បីចាត់ការតាមនីតិវិធីច្បាប់ ៕
ចំនួនអ្នកទស្សនា
- ថ្ងៃនេះ10851
- ម្សិលមិញ10851
- សប្តាហ៍នេះ77371
- ខែនេះ192521
- ឆ្នាំនេះ192521
- សរុប20634977